Plantun de Prouvènço

Pèr coumpara dos planto d'encò nostre

Myosotis pusilla & Tanacetum parthenium

Te-vese-e-t'ame(-prim)

Myosotis pusilla

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Noms en français : Myosotis fluet, Myosotis des marais.

Descripcioun :
Aquéu te-vese-e-t'ame, rare, trachis dins li tepiero sablouso proun proche de la mar, ounte flouris d'ouro dins l'annado. Fai parti dóu group amé de péu contro li sepalo ; au contro li péu di fueio s'en escarton. Li flour podon èstre bluio o blanco (fotò).

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").

Port : Erbo
Taio : 20 à 50 mm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Myosotis
Famiho : Boraginaceae

Coulour de la flour : Bluio
Petalo : 5
Ø (o loungour) flour : 2 à 3 mm
Flourido : Printems

Sòu : Si (Ca)
Autour basso e auto : 0 à 50 m
Aparado : Noun
Mars à abriéu

Liò : Mar - Sablo
Estànci : Termoumediterran à Mesoumediterran
Couroulougi : Estenoumediterrano-Ouèst
Ref. sc. : Myosotis pusilla Loisel., 1809

Camoumiho

Tanacetum parthenium

Asteraceae Compositae

Àutri noum : Camamiho, Camamièli, Camamièri, Camamido, Camoumido.

Nom en français : Grande camomille.

Descripcioun :
La camoumiho es uno grando erbo redoulento (óudour de pirètre), de sabour amaro, que trachis en group dins li vièi jardin d'ounte s'escapo. Se recounèis à si fueio plano descoupado en tros redoun. La planto èi proutejido sus listo roujo, categourìo LC, es à dire soucit minour.

Usanço :
Cultivado desempièi li rouman, es uno planto majo contro l'enflamacioun. S'acampon li flour que soun mes à seca. S'utiliso contro li mau d'iue (en infusioun) e d'auriho : caufa un cuié d'òli em'un pessu de flour secado, pièi un cop tebe, metre coula dins l'auriho malauto. En tisano èi peréu bono contro li mau d'estoumac o de fege.

Port : Grando erbo
Taio : 20 à 80 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Tanacetum
Famiho : Asteraceae
Famiho classico : Compositae
Tribu : Anthemideae
Ordre : Asterales

Coulour de la flour :
Petalo : >6
Ø (o loungour) enflourejado : 1,5 à 2 cm
Flourido : Printèms - Estiéu

Sòu : Ca
Autour basso e auto : 0 à 1400 m
Aparado : Noun
Mai à avoust

Liò : Jardin - Vièii muraio - Escoumbre e proche dis oustau - Ermas
Estànci : Mesoumediterran à Mountagnard
Couroulougi : Óurigino pountico
Ref. sc. : Tanacetum parthenium (L.) Sch.Bip., 1844 (= Chrysanthemum parthenium (L.) Bernh. = Leucanthemum parthenium (L.) Godr. & Gren. )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

ges

RRR

Myosotis pusilla & Tanacetum parthenium

ges

Coumpara Te-vese-e-t'ame(-prim) emé uno autro planto

Coumpara Camoumiho emé uno autro planto